|
|
Unterhaltung
Schwowe - Gstanzl
Dr Schipplmatzhansjerch, jetz horcht nor des Wunnr:
Ich heb schun mei Hand, un er haut mr ens runnr.
Beim Tanze im Wertshaus do hat'r vorwich
Mit e Trumm Stecke mei Hose angstrich.
Der Mensch war e Neidsack, wie's selte wer git,
Daß ich zu seim Lis geh, des hat'r nie glitt.
Dr Gockl tut krähe, e alt Hingl gluckst,
Daß´d Schlä mir han weh tun, hat mich's meescht gfuchst
Han Pech aa im Färwl, ich saan eich fort:"Paß!"
Un kaaf im eenunzwanzich uf elfi e Ass.
Wer immer vrspielt un nit ufhert is dumm,
Weil's Geld is wie's Fiewr, ´s laaft fortwährend rum.
Im Wertshaus, do hätt ich als gere gezecht,
Das gift mich am meeschte, zu zahle, najaa,
Nit gnuch, daß mr trinkt, noch gezahlt will'r aa.
Ich lei eich so gere, wer geht in e Wett?
Im Wintr beim Owe, im Summr in dr Schätt.
E Dummkopp tut e Krautkopp for e Pheifekopp krien,
Wer hat dc Spitagl sei Lewe schun gsiehn?
Hunnrt Gulde e Sackuhr, nor langschtgfloo beim Gold ,
Ei ment mr do nit, daß dr Schinnr em holt?
Vun Bartolomäus bis no Wendelin,
Do kaaft ke Milone, dr Bartl is drin.
Am Äschrmittwuch macht's Madlen sich fesch,
Vum neie Kaplon loßt's sich tuppe mit Äsch.
´s Madlen, des macht mit de Buwe oft Scherz,
Weil wie e Backsimpl so groß hat's e Herz.
Di Buwe mitunr sin manichsmol gschliff,
Vun eem kriet's was gmolt un vum anre was phiff.
Eemol do han ich's in de Backe gepetzt,
Do hat's mr e Ring gin, de han ich vrsetzt.
Am letschte April mach ich oweds e Loch,
Do werd meinr Gretl e Maiebam gstoch.
Un kamplt mei Gretl ihr Talmigoldhoor,
Do gsieht mr, ´s hat's fauschtedick hinnerm Ohr.
Un schneidt ihr ke Messr, wann's Hahne mol schlacht,
Binn ich's uf e Schleifsteen e Taa un e Nacht.
Die Eh is e Saches so bißl riskiert,
Ich men halt, die Freiheit mr eftr vrliert.
Un doch han ich gheirat, sin krawlt zu Kreiz,
Mei Gretl, die lacht jetz, mei Schwiermuttr freit's.
Mei Schwiermuttr is eich beim Arweite faul,
Wie e Karfreitachsratsch geht awer's Maul.
Gsiehn ich im Feld drauß e Pipatsch vrbliehn,
Do men ich, do tät ich mei Schwiermuttr gsiehn.
Dr Wildi is glicklich, sei Glaawe, mr lest,
Erlaabt ihm, daß er aa sei Schwiermuttr freßt.
Dr Wildi is glicklich, er brauch ja ke Gwand,
Weil er un sei Alti ziehn kenr was an.
Mei Gretl, begreif's nit, wie es nor des kann,
Wicklt mich um de Fingr, e baamstarke Mann.
Die Buwe beim Tanze, die krien warmes Blut,
Drum misse se raafe, sunscht wär's jo nit gut.
Dr Naz hat beim Pharre e Specktrugl gsiehn.
Er saat: „Nehmt des weg do, sunscht spauz ich Eich nin."
Ganz gut is's nit ingricht, wie's is uf dr Welt.
Der een hat de Beitl, dr annri hat's Geld.
zurück
|
