Alterserscheinung

De kleene Walter
is e naseweise Tropp.
Er saat: „Großvater,
du hascht jo ke
Hoor uf deim Kopp!"
„Ja", saat de Großvater -
„liewer Walter,
die Hoor gehn raus.
Des kummt vum Alter!"


Der Kleeni awer
bleibt ruhich stehn.
„Großvater!
Du hascht jo aach ke Zähn!"
Do lacht der Alt:
„Du dummer Walter!
Die gehen jo raus!
Des kummt vom Alter!"


Des hat dem Walter
vollauf geniegt.
Un wie er noh drei Täch
e Briederche kriet,
zeigt's ihm stolz sei Vater.
Doch do schreit gleich de Walter:
„Vater! Die han uns angschmiert!
Des is jo e Alter!"

(Barbara Volk geb. Kling)